Ғылыми зерттеулерді бағалаудың теңдестірілген тәсілі: іске асыру әдіснамасы мен тетіктері

Жобаның мақсаты

Ғылыми зерттеулерді бағалаудың теңдестірілген тәсілін әзірлеу және оны іске асыру тетіктерін, сондай-ақ ғылымды дамыту саясаты және оны Қазақстанда бағалау бойынша ұсынымдар әзірлеу

Жоба туралы

Жоба жетекшісі 

Әлібекова Гүлназ Жанатқызы

PhD, Қазақстан Республикасы Ғылым және жоғары білім министрлігі Ғылым комитеті Экономика институтының жетекші ғылыми қызметкері

ORCID-тағы профилі: 0000-0003-3498-7926

Scopus-тағы профилі: 57190415127
WoS—тағы профилі: C-4952-2014

Жоба мақсаттары

1 кезең, 2023 ж.

 
Ғылыми зерттеулердің тиімділігін бағалаудың қолданыстағы теориялық және әдіснамалық тәсілдерін зерттеу және жүйелеу. Білімнің әртүрлі салаларында ғылыми зерттеулерді бағалаудың заманауи модельдерін зерттеу. Ғылыми қызметті бағалаудың шетелдік тәжірибесін қорытындылау.

2 кезең, 2024 ж.


Қазақстандағы ғылымның дамуын ретроспективті талдау және бағалау: проблемалар, үрдістер, колея әсері. Қазақстан Республикасында ғылыми мансапты қалыптастыру және дамыту факторларын зерттеу. Ғылыми қызметкерлердің ғылыми қызметті бағалау критерийлерін қабылдауын зерттеу.

3 кезең, 2025 ж.


Ғылыми зерттеулерді бағалаудың қолданыстағы жүйесінің проблемалары мен перспективаларын анықтау. Ғылыми зерттеулер мен ғылыми қызметті бағалаудың бейімделген әдістемесін қамтитын ғылыми зерттеулерді бағалаудың теңдестірілген тәсілін әзірлеу. Қазақстанда ғылыми зерттеулерді дамыту және бағалау саласындағы саясат бойынша ұсынымдар әзірлеу. Ғылыми кадрларды проактивті бағалау тұжырымдамасын әзірлеу.

Жобаның маңыздылығы

Зерттеу нәтижелері Dora (2013), Leiden Manifesto (2015), Metric Tide (2015) сияқты халықаралық бастамаларға, сондай-ақ ғылыми зерттеулерді бағалау үшін ғылыми өлшем көрсеткіштерін пайдалану проблемалары аясындағы үдемелі жаһандық пікірталасқа ықпал етеді. Tools to Advanced Research Assessment (TARA) жобасы –ғылыми мансапты бағалаудың жаңа саясаттары мен әдістерін әзірлеуге бағытталған халықаралық жоба. DORA  TARA жобасын Нидерландыдағы Лейден университетінің ғылыми және технологиялық зерттеулер орталығымен және Чикагодағы Иллинойс технологиялық институтымен бірлесіп басқарады. Осы өтінім бойынша әзірлемелер Қазақстанды және одан кейінгі Орталық Азия елдерін қамтитын Dora бастамасының географиясын толықтырады және кеңейтеді.